I’ve been an author who has never diverged from love. Even when I’m telling the toughest issues with a harsh tone; love always stands right in the middle of the story.
-Ahmet Umit
സമകാലിക തുര്‍ക്കി സാഹിത്യത്തിലെ ഏറ്റവും പ്രധാനപ്പെട്ട എഴുത്തുകാരിലൊരാളാണ് അഹമ്മദ് ഉമിത്. കുറ്റാന്വേഷണത്തിന്റെ അന്തരീക്ഷം കാവ്യാത്മകമായ നിഗൂഢതയിലൂടെ ആവിഷ്‌കരിക്കുന്നവയാണ് ഉമിതിന്റെ മിക്ക കഥകളും നോവലുകളും. 1960 ല്‍ തുര്‍ക്കിയിലെ ഗസിയാന്‍ടെപ്പില്‍ ജനിച്ച അഹമ്മദ് ഉമിത് 1974 മുതല്‍ 1989 വരെ കമ്മ്യൂണിസ്റ്റ് പാര്‍ട്ടി അംഗമായിരുന്നു.
ആയിരത്തിത്തൊള്ളായിരത്തി എണ്‍പതുകളില്‍ തുര്‍ക്കിയിലെ പട്ടാളഭരണകൂടത്തിന്റെ ഏകാധിപത്യപരമായ നയങ്ങള്‍ക്കെതിരെ ജനാധിപത്യത്തിനു വേണ്ടിയുള്ള സമരങ്ങളില്‍ അദ്ദേഹം സജീവമായി പങ്കെടുത്തു. മോസ്‌കോവിലെ അക്കാദമി ഫോര്‍ സോഷ്യല്‍ സയന്‍സസില്‍ പഠനം നടത്തിയിട്ടുണ്ട്. അക്കാലത്തെ സോവിയറ്റ് അനുഭവങ്ങള്‍ ദി സ്‌മെല്‍ ഓഫ് സ്‌നോ എന്ന നോവലില്‍ അദ്ദേഹം ആവിഷ്‌കരിച്ചിട്ടുണ്ട്. തുര്‍ക്കിയുടെ സങ്കീര്‍ണ്ണവും സവിശേഷവുമായ രാഷ്ട്രീയാന്തരീക്ഷത്തില്‍ മെനഞ്ഞെടുത്ത ഉമിതിന്റെ കുറ്റാന്വേഷണ കഥകള്‍ ജനപ്രിയമാണ്.
സൂഫിവര്യനും കവിയുമായ ജലാലുദ്ദീന്‍ റൂമിയും ആത്മസുഹൃത്ത് ഷംസും തമ്മിലുള്ള നിഗൂഢാനുരാഗമാണ് ദി ദെര്‍വിഷ് ഗേറ്റ് എന്ന കൃതിയുടെ പ്രമേയം. ഒരു കുറ്റാന്വേഷണ നോവലിന്റെ സ്വഭാവം ഈ കൃതിക്കുമുണ്ട്. വര്‍ത്തമാനകാലത്തില്‍ നിന്ന് ഏഴാം നൂറ്റാണ്ടിന്റെ ചരിത്രത്തിലേയ്ക്കാണ് ഈ നോവല്‍ സഞ്ചരിക്കുന്നത്. മാജിക്കല്‍ റിയലിസത്തിന്റെ മാസ്മരികത കൊണ്ട് അനുവാചകനെ ഉന്മാദിപ്പിക്കുന്ന കൃതിയാണിത്.
ദി സ്‌മെല്‍ ഓഫ് സ്‌നോ എന്ന നോവല്‍ മഞ്ഞിൻ്റെ ഗന്ധം എന്ന പേരിലും ദി ദാര്‍വിഷ് ഗേറ്റ് എന്ന കൃതി ദാര്‍വിഷ് കവാടം എന്ന പേരിലും ഗ്രീന്‍ ബുക്‌സ് മലയാളത്തില്‍ പ്രസിദ്ധീകരിച്ചിട്ടുണ്ട്. ദി ഫോഗ് ആന്‍ഡ് ദി നൈറ്റ് എന്ന കൃതിയുടെ മലയാള പരിഭാഷ മൂടല്‍മഞ്ഞും പാതിരാവും എന്ന പേരില്‍ ഉടന്‍ പുറത്തുവരും.
ലിങ്കില്‍ ക്ലിക് ചെയ്യുക
ദാര്‍വിഷ് കവാടം (അഹമ്മദ് ഉമിത്)
https://greenbooksindia.com/darvish-kavadam-ahmet-umit
വിവര്‍ത്തനം: ഡോക്റ്റര്‍ സി. രവീന്ദ്രന്‍ നമ്പ്യാര്‍
മഞ്ഞിന്റെ ഗന്ധം (അഹമ്മദ് ഉമിത്)
https://greenbooksindia.com/ahmet-umit/manjinte-gandham-ahmet-umit
വിവര്‍ത്തനം: ആര്യ ഗോപി
